Plantun de Prouvènço

Pèr coumpara dos planto d'encò nostre

Brachypodium distachyon & Potamogeton nodosus

Brachypodium distachyon

Poaceae Graminaceae

Nom en français : Brachypode à deux épis.

Descripcioun :
Aquéu Brachypodium, planto de l'an, èi bèn pichot (10 à 20 cm), fai pas de mato nimai de rizoumo. Coume lou dis soun noum, a, mai pas toujour, dos espigo bèn barbudo pèr cambo. Se destrìo de si cousin de l'an, en mai de la taio (meno óuriginalo à 2n) que si fueio soun courto (< 3 cm), cihado emé mens de 12 costo que se vèson à l'iue nus. Coumpara emé la bauco-bastardo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium distachyon (L.) P.Beauv., 1812

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.